التلاعب بالمشاعر كلمات مينا بشير

بطلوا تتلاعبوا بالمشاعر
وتحبوا بعض حب وهمي
حب اصلاً ملهوش وجود
عباره عن كلام وبس
ومن جوه مفيش اي حس
حتي الوعود
بتكون اوڤر اوووي
بتكون عبيطه
بتهيصوا عادي ف أي زيطه
-جربت تحب
-آه جربت
-طب فكرت..؟
-لاء..!
-اصل كان ف قلبي دقه
وهي ضحكت وقتها
فـ حبيتها من اول ما شوفتها
-اصل اييييه...!
ياخي جتك ف قلبك شكه
ده يبقى اسمه حب..!
الحب يابني..
عمره ما كان تجربه
مش جايز اللي بتحبها
تكون عقربه..!
بتحبك انت وهو وهو
وتقولكم نفس الكلام
انت قلبي من جوه
وانت تضحك وتقول يا سلااام
وبعدين تكتشف الوجع
وتعاني من ألم الفراق
"شكراً يا قلبي انك جدع"
جمله بتقولها بس بنفاق
والغلط عليك
لما مشيت وراء وهم
والغلط الاكبر عليها
لما عيشتك جواه
وف الآخر..
طعنت قلبك بأكبر سهم
بطلوا تتلاعبوا بالمشاعر
ده قد ايه جرحها واعر..!
لو بتحب بنت قولها
وانتي لو عندك حبيب
قوليله ف وقتها
قصوا الشريط م البدايه
خلوا جواكم امانه
انهوا بحب الحكايه
قبل وجع الخيانه