الجزء الثالث من قصيدة «رافضة الكل» بقلم المستشارة هايدي أشرف

بتحلمي!
وفاكره أنه داير يحكي عنك للجميع
لأول مره في الربيع
تدبل الورود والشجر
وإنتي حبك كان ربيع
لحد عاشق المطر
جالك بجرحه داويتي جرحه
ومن ثم قلبك إنكسر
كنتي بالنسبه له حضن
يرمي فيه كل أوجاعه وكسره
يحس جنبك أنه راجل
ليه هيبته وكيانه
وأول ما يلف ضهره
تبقى واحده من الضحايا
بتبقي سطر في روايه
وإنتي دايره تكتبي
وتحكي في شِعرك عليه
توصفي الحلو اللي فيه
وهو داير يترمي في حضن البنات
تسمعي وتعملي دور الأصمّ
مين بيرضى يعيش
اللي باقي من حياته في الألم
طبطبي بحبك عليه
وهو يرد بمية ألم