الفرق بين حساسية الألبان وحساسية اللاكتوز عند الأطفال

كتبت :- إيمان رأفت حساسية الالبان عبارة عن ان الجهاز المناعي لجسم الطفل بيهاجم بروتين اللبن البقرى - اللى الام اكلته و وصل للطفل عن طريق الرضاعة من الام - كانه ميكروب.. و يحدث أعراض مثل اي حساسية تانية زى الفراولة او الشيكولاته ..و لكن تختلف الاعراض !! . و يحدث اجهاد للجهاز المناعى فى محاربة بروتين اللبن ..اللى الأم أكلته و نزل للطفل فى لبن الأم !!.. يعنى طفل بيرضع طبيعى و عنده حساسية من حاجات الأم بتاكلها ....نخلى بالنا .. . نسبة حدوث حساسية الالبان فى الطفل اللى بيرضع طبيعى من 0.2 الى 0.5 % و هى نسبة بسيطة ... . أعراض حساسية الالبان : . لازم نعرف الاول ان الحساسية دي درجات بتختلف من طفل للتاني فبالتالي الاعراض بتكون متفاوته ... . أعراض جلدية :هرش و احمرار بالجلد او اكزيما أعراض الجهاز الهضمى :قىء ..مغص و ألم بالبطن ...اسهال بمخاط او دم ...او امساك و التهاب مكان الحفاض اعراض الجهاز التنفسى :رشح مستمر او التهاب بالشعب الهوائية .. و ايضا التهاب بالعين و الشفتين و عدم زيادة فى الوزن !!!. و الموضوع بيحصل كتير بعد أول شهر و بيبدأ برفض الطفل للرضاعة من الأم نظرا لما يحدثه لبن الأم من مغص و عدم راحه فى الهضم .. . لا تظهر كل الاعراض المذكورة لدى كل الاطفال، كما ان حدتها تتفاوت من شخص لاخر، وفقا لدرجة حساسيته، . تختفي هذه الحساسية تلقائيا مع التقدم بالسن لدى اكثر من 70% من الحالات. وتبدا القدرة على تحمل الحليب بالتطور والظهور بعمر سنة حتى ثلاث سنوات . طبعا دى اعراض حساسية الالبان و هى تشمل 90 % من اعراض امراض الاطفال و كل ام ممكن يكون طفلها عنده حاجه او أكثر منها و لا يعنى ذلك ان الطفل عنده حساسية البان !! . و لو الام شكت فى حاجه زى كده لازم تروح لدكتور عنده ضمير و امانه علشان الموضوع يحتاج الى حكمة شديده فى التشخيص .. . غالبا تشخيص حساسية اللبن اكلينيكي مع المتابعه الدوريه ووجود عرض او اتنين او اكتر من الاعراض اللي ذكرتها.. . و تحليل الدم المخفى فى البراز لوحده مش كافى و ممكن ميكونش ايجابى و يكون الطفل عنده حساسية البان !!و فيه تحاليل تانيه طبعا.. ولكن... ممكن الطفل يكون كل تحاليله سلبيه لان تحليل الدم غير دقيق تحت سن سنه وتحليل الدم المخفي في البراز معناه ان الامعاء ملتهبه نتيجة الصراع بين بروتين اللبن و جهاز المنعه !! . و العلاج يعتمد اساسا على استمرار الرضاعة الطبيعية و تجنب الام لمنتجات الالبان و شوية حاجات تانيه فى اكلها و هى بترضع !!... و مفيش داعى فى الاستفاضة فى مسببات الحساسية علشان الجماعة الموسوسين !! ومننساش نخلي الام تاخد كالسيوم أقراص لتعويض منتجات الالبان... . و لو مفيش تحسن مع منع الام للأكل المسبب للحساسية ممكن نوقف الرضاعة و ندى لبن صناعى ودا بيكون من خلال الطبيب المختص لان وقف الرضاعه قرار مش سهل .....و لابد ان يكون ذلك بعد التشخيص و تحت اشراف طبيب فاهم !! . وبنجرب لبن صناعى مصنع من بروتين الصويا او احماض امينية مصنعة بندى لبن فول الصويا isomil او لبن مصنع بالكامل من الاحماض الامينيه neocate ولكن فيه شوية تحفظات علي لبن الفول الصويا.. . 30% من الاطفال اللي عندهم حساسية لبن بيكون عندهم حساسية فول الصويا (للاسف).. . فيه اختلاف علي انه مينفعش للطفل الذكر قبل سن ٦ شهور لانه بيزود هرمونات الانوثة ... لكن البنات عادي ياخدو لبن الصويا مفيش مشكله .. اما النيوكيت فهو الامثل ولكن مشكلته سعره غالي شويتين و طعمه سيء جدا .. . طيب هل الطفل ده ممكن يتحسن ؟؟؟.. . ايوه طبعا ...وغالبا بداية التحسن بتكون من سن سنه وبنعرف عن طريق ادخال منتجات الالبان بالتدريج نشوف لو مفيش اعراض ظهرت يبقى الطفل اتحسن ....اما لو ظهر اي اعراض....فنستني فتره علي نفس الوضع ... طيب لو الام احتياطى تجنبت منتجات الالبان ...بتضر الطفل و بتعرضه ان يجيله ضعف فى المناعة و انواع أكتر من الحساسية... . . . . اما حســـــــــــــاسية اللاكــــــــــــــــــــــتوز ..... هى عبارة عن ان الطفل بيكون ناقص عنده انزيم اللاكتيز المسئول عن هضم سكر اللبن ... فيحدث ان السكر لا يهضم فيشتكى الطفل من الاسهال و الانتفاخ الرهيب ... و تكون رائحة البراز حمضية مثل الخل ...و يحدث التهاب حفاض بدرجة كبيرة نتيجة من حمضية البراز .. . و غالبا بتكون الاعراض منذ الولادة و عدد مرات الاسهال كتير جدا .. . و يتم التشخيص بتحليل درجة حموضة البراز ... و تجربة اعطاء لبن خالى من اللاكتوز للطفل بالاضافه الي الرضاعه الطبيعيه ... و نشوف التحسن ... . و علي حسب التحسن بنحدد الطفل عياخد كام رضعه خالي من اللاكتوز و اذا لم يحدث تحسن بنمنع لبن الام في بعض الحالات . . باختصار حساسية الالبان علاجها ممكن يكون فى منع بعض الاكل للأم ..أو أحيانا لابد من لبن مخصوص ... أما حساسية اللاكتوز فيكون علاجها للأسف بمنع جزئي للبن الأم و أعطاء لبن خالى من اللاكتوز ...