الكلام موجود

الكلام موجود
ومين يسمع المكتوب 
نصائح تغذى القلوب
ارجع يالحم للعود
اتاري كان قدر ومكتوب

الكلام موجود
وراح اللى كان بيسمع
وأصبح كلامى للظالم بيوجع
اتكلمت عن المحبة وتهميش الغير
زمن اتغير ونفوس تطفش الطير
من يومها وأصبح بيقل الخير

الكلام موجود
بتكلم على ضمائر الناس
بتخاصم بعضيها من غير احساس
ماخلاص رحلت الناس 
اللى قلوبها كان زى الماس
الناس بتتصارع على الخصام
وبتجرح بعضيهم بالكلام 
مع تهميش اعز ماليهم والسلام

فيها أية لو الناس بتساعد بعضيهم 
وتنزع الشر والحقد اللى مليهم
قلوب اتغيرت وأصبحت حجارة
وناس فاكرة كل دة شطارة

دور على الخصام وعدم مساعدة الغير
هتلاقي اللي بيقول لنفسى كل الخير

زمن اتغير الى اعلى الدرجات
لما بيكون الضمير فيها مات
دور على قلب زى قلبك متلاقيش
هتلاقي المنافق وقاطع العيش
القلب الابيض للاسود خسارة فية
كلام غالى للى يفهم معانية
الكلام موجود
اتمنى المحبة وفرحة القلوب تعود
قبل فوات الاوان والجسم ياكلو الدود