الكل باع من غير تمن ياقلبي

بقلم مصطفى سبتة
يا روحي ليه تتعذبي من غير عـــذاب
أنسى اللي فات واتعودي طول الغياب
مبقـــــاش فضلك م الزمن غير العتاب
الكل بـــــاع مـن غير تمن والحلم غاب
بقت الحقيقـة فـي وقتنـا اكبر السراب
بقيت الخيانة في دمنا من غير حساب
والغـــــدر ضيع حلمنا في القلب صاب
مــــاتت مشاعر مننا ملهـاش صحـــاب
يا عيني ليه بـدمعي وقت الجـــــــواب
ضحكوا علينا بغــدرهم مـن غير عقاب
مين اللي قالك قربي من نــــــدل ساب
لكن بلاش تستغربي من جرح طـــــاب
كتر البكى علم قلوبنا الانسحـــــــــــاب
ماتت مشاعرنا القديمة بالإغتصــــــاب
واقـــــدرنا ننسي حلمنا والقلب الشاب
والحزن دمـــــــر قلبنا مـــــات الشباب
اروحــنــا تــــــاهت مننــا بين الضباب
والليل سواده يضمنا بدمــــوع مُصاب
مين اللي ضيع حلمنا في زمان خراب
يــــا روحــي ليه تتعجبي م الانقــلاب