المطلقة

 
كتب : دكتور فوزي الحبال 

قال الله سبحانه وتعالي 
(وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ (21) ) 

مطلقة سألوها بعد الطلاق،إيه الدروس الى أتعلمتيها من التجربة ؟ قالت عدم التهور،وأسمع أكتر ما أتكلم ،أسيب ديما الباب موارب يمكن يكون في فرصة تانية،أواجه مشاكلى بنفسي ومسمحش لحد التدخل فيها. 
                      
ومين شجعك من أهلك على طلاقك ؟
كلهم تقريبا،مفيش حد فيهم حاول مره واحده يقولى حافظى علي بيتك ،مفيش حد فهمنى إنى بخرب بيتى وبضيع مستقبلى ومستقبل أولادنا،
                    
وأهلك واقفين جمبك دلوقتى زى ما كانوا واقفين معاكى وبيشجعوكى على الطلاق ؟
مفيش حد فاضيلى ولا فاضى لاولادى
أخويا إللى ياما شتم وسب طليقى أتجوز وعايش مع مراتة وخلف ،لو يوم غضبت يعيط زى العيال علشان ترجعله،اختى بعد ما أنا اتطلقت، اتعلمت من تجربتى لو حصل خلاف بينها وبين جوزها تحله في بيتها. عملتلك إيه فلوس الطلاق والقايمة ؟
كل إلى أحتاج حاجه من أخواتى وأهلى خدوها وباقى القايمة مرميه في مخزن تحت البيت.
 لو طليقك عايز يرجعك لعصمته ممكن ترجعى.
انا أتمنى ارجع لكن هو مش ممكن يفكر يرجعنى بعد اهانته ،ولف ودار على محاكم الأسرة وبيلعن اليوم اللى اتجوزنى فيه.
 الخلاصةأنتى كنتى مجرد حقل تجارب،وليمة كلهم كلوا منها وشبعوا وبطونهم اتنفخت بس أنتى هتعيشى وتموتى من الجوع،جوع المشاع،جوع الأسرة والبيت المستقر.
قدرك أنك تشوفى غيرك مبسوط و مرتاح وأنتى بتتحسرى علي حياتك إلي ضيعتيها بإيدك وبأرادتك ،والكل بيقولها اتطلقى ،وابتدى من جديد والحياة فاتحالك دراعتها ،مين قال إن الطلاق حاجة سهلة وبسيطة ومحببة كده؟
مين أصلا يجرؤ يعطى واحدة نصيحة يقولها اتطلقي ،ومين يقدر يشيل وزر قرار انفصال اتنين كانوا سكن لبعض.
اللهم احفظ بيوت المسلمين من كل سوء.