انا وقلبي

انا وقلبي

يعنى وبعدين وياك يا قلبي لازم يعنى تفكرنى بيها 

جاى تقلب ف اللى فات 

وتصحى جرح قلت مات 

وتعيد شريط م الذكريات 

قال يعنى انا كنت ناسيها 

ما انا ياما كدبت الحقايق قلت هواها فيا انتهى 

كنت باكدب يومها عليك واتاريك فاهمنى من وقتها 

وعامل مش فاهنى 

وتقولى خرجت منى

وغصب عنك وعنى 

لساها عايشة فينا 

طيفها بينادى عينينا 

ويا قلبي مش يايدينا 

لسة بنحن ليها

من يوم وداعنا يا قلبي احساسنا انا وانت مات 

وبالاسم عايشين

حاضنين دموع جراحنا وهى فين افراحنا 

سكة مفروشة انين 

وحقيقة واحدة بتضمنا مهما كتير نكدب على بعض

يا قلبي انت وانا مش قادرين ع البعد 

مهما حاولت ادارى واخبى

حاسس بيا عايشنى يا قلبي

دا نصيبنا خلاص م الدنيا نفارق حضن عيون حبتنا 

الدنيا حكمت والقدر

نضيع نتوه وننكسر

ونسيب ف بحر ثانية قلوب ياما سمعتنا 

وحياتي انا وانت دلوقتي سنين عايشينها بلون الجراح

يا اللي كنتي اكتر من حبيبتي نبض قلبي بيقولك سماح

والحزن فينا متخبى جوة الضلوع 

حتى الصخكة طالعة بطعم الدموع 

وان حتى مفيش رجوع

لساها عايشة فينا 

طيفها بينادى عينينا 

ويا قلبي مش بايدينا 

لسة بنحن ليها 

انا وقلبي

محمد عبد المنعم

منعم