بتسألني عن أجمل حاجة في الدنيا ؟

كتب حسام الشرقاوي
 هقولك انك تجبر خاطر 
 حد و تخلي روحه تنور بعد ما كان مهموم و تايه و مش لاقي
 اللي يطبطب عليه و يكون ليه سند في عز وحدته ، تنتشله من
 شعور انه مفيش خير في حد لانه يشوفك يقول الدنيا لسة بخير 
 و كل ما يفتكر اسمك يدعيلك من قلبه ؛ فيه اجمل من كدة يا صديقي ؟
 . الإحساس انك بتحول شخص روحه مطفية و شايل 
 الهم لشخص مبسوط و فرحان و روحه منورة و خاطره 
 مجبور ؛ و من أحياها فكأنما أحيا الناس جميعا  والله يجماعة 
 عن تجربة طالما قادر تخدم حد اخدمه ومتفكرش هتستفاد ايه ، ربنا 
 بيفتحها عليك ف حاجات تانية ، بعدين في امور مستحيل تعرف تتصرف فيها .
 . فمتنطفوش و لا تطفوا أرواح اللي حواليكم .. محدش في الدنيا 
 يستاهل ابدا ينطفي أبدا .. مهما حصل لو كنتوا في موقف فاكرين
  ان أرواح الناس لعبة ، افتكروا كويس ان ممكن تكونوا في مكانهم 
 في يوم من الأيام ، ساعتها لو راعيتوا ربنا هيكافئكم و ينور أرواحكم 
 بكل روح كانت مطفية و نورتوها
 . تصبحوا على فرحة اللي ضحكتهم تنور عتمة الأيام ، اللي بننسي 
 معاهم أي آلام ، صباح الخير علي كل اللي مين جواه مهموم و بيقول
 تمام ، علي كل مين اختار يختارنا وسط الزحام ، علي الصابرين 
 و العشمانين في حاجة تفرح , علي كل اللي يومهم بيحلو بوجودنا ، 
 علي كل اللي مقدرينا و حاطينا في المكانة اللي نستحقها، علي كل
 اللي بيجددوا الحب و الامتنان اننا في حياتهم كل يوم ، علي كل اللي 
 بيستنوا مننا كل خير و مدينا الثقة الجميلة اللي مبيدوهاش لأي حد