رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
الأحد 22 ديسمبر 2024 5:09 م توقيت القاهرة
رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
ألفيـن حكـــايه بتتحكـي ........... مع كل ليـل
ورا كل باب
دمعه .. وضحكة .. ومشكله .. ومشوار طويل
ورا كل باب
ناس طيبة و ناس مرعبه و من غير حساب
و را كل باب
فرحـة لقـى و لحظـة شقـى و سنيـن عذاب
و قلوب بتحضـن فرحهـا
و قلوب حزينــه بطبعهـا
و قلوب تداري ف دمعها .. والعمــر شاب
ورا كل باب
اللي انت شايفه قصاد عنيك غيـر اللي كان
دا المستخبي ساعات يكون عكس اللي بان
الناس بيوت ......... و السر جوه كل بيت
ولاحد يعرف حاجه .... م اللي ورا البيبان
.
من بـره حـــاذر تدّي حكمـك ع الحاجــات
دي النـاس مناظـــر بس من جـوه حكايـات
الضحكــة ممكن تترســم .. على وش ناس
مع إن حـزن الدنيــا .. جوه قلوبهــــا بـات
.ورا كل باب
ناس طيبة و ناس مرعبه و من غير حساب
و را كل باب
فرحـة لقـى و لحظـة شقـى و سنيـن عذاب
و قلوب بتحضـن فرحهـا
و قلوب حزينــه بطبعهـا
و قلوب تداري ف دمعها .. والعمــر شاب
ورا كل باب
إضافة تعليق جديد