بقلم ياسمين حافظ..يافرحة

يافرحة طلي عليا

و هلي بطلتك البهية

يافرحة مستنياكي أنا .. ترضي بقى عليا

وتخبطي على الباب .. وتسألي فيا

يافرحة تعالي و سلمي .. يمكن من معاملتي الحلوة ليكي في القعدة تطولي

يافرحة تعالي وكفاياكي بعاد .. ومتزديش معايا في العناد

أنا مستنياكي بكل الخير ويشهد رب العباد

اني بحبك وعمري ما كنت نكدية

تعالي واسألي فيا .. وكفاياكي بقى آسية

ده أنتي طول عمرك معروفة بالحنية

تمي جميلك عليا و بعد ما تيجي طولي قعدتك لسنين كتير جاية

يافرحة تعالي ومتخافيش .. ده أنتي الحياة من غيرك ملهاش طعم ومتساويش