بمناسبة انتصارات أكتوبر.. لأول مرة الإعلامية شيماء علام تكشف عن شخصية والدها البطل

عبر صفحتها على مواقع التواصل الاجتماعي"فيسبوك" أستعادت الإعلامية شيماء علام ذكريات والدها البطل الذي شارك في حرب أكتوبر، حيث كشفت لأول مرة عن شخصية الأب البطل وكتبت قائلة:

"شرفنى فى زيارة سعيدة عمى سيادة اللواء/ سعد الدين علام قالى انا جاى مخصوص علشان اقولك انا زعلان منك ازاى ذكرى حرب أكتوبر تيجى ومتكتبش عن والدك وتقولى ان والدك كان بطل من أبطال أكتوبر وأن كلنا كنا بتقعد جنب الراديو الساعه ٤ العصر علشان نسمع التقرير بتاع والدك عن الحرب فى الراديو وأن والدك اخد رصاصه فى رجلة سابت اثر بعد طول علاج فى المعادى العسكرى . قلتله والله يا عمو يمكن علشان انا مش بحب اتكلم عن حياتى الشخصية ويمكن علشان ذكرى بابا بتوجعنى من جوايا. ورغم ان وقت حرب أكتوبر مكنتش اتولدت ورغم ان بابا توفاه الله وانا صغيرة لكن دعائى له لا ينقطع ....و فاكرة. فاكرة انى اتربيت فى بيت كان مفتوح لكل مكروب وان مشاكل الناس كلها كانت مشاكلنا وفاكرة ان كان ليا اب كبير عيلة وكبير كل اللى يحتاجه وكل اللى معندوش كبير ... وده مبيحصلش بالساهل .. تفاصيل كتير هختصرها فى جملة اتقالت لاخويا من صديق لوالدى...قالة والدك كان يقول للشيء كن فيكون . العزة والجلالة لله طبعا ولكن تعبير كان بيقصد بيه مدى قوته ( سبحان من له الدوام ) وربنا يبارك فى عمرك عمى الغالى سيادة اللواء /سعدالدين علام على برك لبابا وانك دايما فاكر بابا اخوك وبتيجى تزورنى وتتصل بيا مخصوص رغم طبيعة شغلك الصعبة علشان تحكيلي ذكرياتك معاه ايام الكلية الحربيه وفريق كرة القدم فى النادى .

يذكر أن والد الإعلامية شيماء علام هو سمير علام ولد في 19 مارس عام (1948) وشارك في حرب أكتوبر المجيد ورحل عن دنيانا في 19 مارس عام (1997).