حبيبتي ماتيجي نتفق بقلم مصطفى سبتة

حبيبتي تيجي نتفق اتفاق
ابقي حب بدون فراق
ابقي صاحب وابقي أب
ابقي فرحه ف وقت هم
ابقي ساكن جوه روحك
وابقي حافظ قلبك صم
ابقي جنه وابقي أرض
ابقي حضن ف ليله برد
ابقي وقت الحزن ابقي
طبطبت لما اشتكيت
ابقي جنبك لو بكيتي
ابقي مسكن وابقي بيت
ابقي عزوه و ناس و أهل
ابقي قلب و روح و عقل
ابقي مش حد ف حياتك
ابقي كل حياتك انتي
ابقي بابا وابقي أبنك
تبقي طفلة ف الجنان
ابقي وقت ما تخافي أمان
ابقي كائن واتخلقلك
من دلع وحنان
ابقي اول كل حاجه
تفتكري بيها ف كل يوم
ابقي حلمك ف وقت نومك
و الحقيقه لما تقومي
ابقي اول وحد تروحيله
لو لقيتك ف يوم تعبتي
ابقي حب ب آلف دنيا
وابقي دنيا ف شكل حب
ابقي حب لما اقابلك
صعب افرط لحظه فيه
حبيبتي قولتي ايه