حكاية عشق

بقلم الشاعر/محسن رجب جودة

على عشقك ده أنا سهران
لوسهري يراضيكي
راح أسهرلك وأنا فرحان
وأغني ليلاتي لعنيكي 
رسمت عنيا أحلامك
وأحلامي ده كاس مكسور 
جرحت كتير عشان خاطرك
وخطري في القفص مذلول
كتير كدابة في وعودك 
كتير مش حاسة بردودك 
كتير بتبصي لخدودك 
دموعك كلها تمثيل
وأنا حبيتك كأنك 
ملكش في الحياة
دي مثيل
بنات جيلك ومن سنك
بشوفهم كأنهم 
تماثيل 
هبيعك أيوه راح أبيعك 
ومن اللحظة أيوه راح أسيبك 
ده أنا الحارس وأنا السجان
لباب قلبي وبدعيلك

وأنا عاشقة لنور العين
وقلبك هوه عنواني
أنا دمعي على الخدين
لو هتسبني من تاني
حبيب قلبي ونور عيني 
يافرحة عمري وسنيني 
يا أجمل قصة في حياتي
يا أحلى قلب يشجيني 
بلاش تبعد بلاش تمشي
ده قلبك هوه نور عيني
أنا عاشقة وبحتاجلك 
أنا عاشقة وبشتاقلك
ده أنا عاشقة لنور العين
وقلبك هوه عنواني