خدت وقت قبل ما افهم

بقلم..وليد غنيم.

خدت وقت قبل ما افهم

انك واخدة الحب لعب
متخيلتش اني هندم
واتحملت كل صعب
واضح ان انا كنت باحلم
والاحلام تحقيقها صعب
بس اللي مزعلني فعلا
واللي تاعب قلبي جدا
ومخليني اسأل يارب
ليه فاضل جوايا حتة
لسة شايلة ليكي حب؟
انسي خلاص
متحاوليش
الدموع اللي ف عنيكي
متساوييش
كل مرة بتغلطي
وترجعي تتندمي
انتي لازم تفهمي
اللي باع مبيشتريش
واما سامحت ف اللي فات
يومها برضه مفهمتيش
المشاعر خد وهات
وانتي خدتي مدتيش
غير شوية ذكريات
بكرة هانساها وهعيش
لو واصلك اللي عندي
كنتي بطلتي تعاندي
لما يبقى العشق عندي
كان صلاتي ومذهبي
يوم حسابك قلبي خايف
تجرحي وتعذبي
عند بابك ببقى واقف
وف رضاكي مطلبي
عبد زاهد بس شايف
من جواكي بتكدبي
بس اللي مزعلني فعلا
واللي تاعب قلبي جدا
ومخليني اسأل يارب
ليه فاضل جوايا حتة
لسة شايلة ليكي حب؟