(( سجـــــــــــــــــال ))

((**(( إمتى وازاى وليه .؟.))**))
****************************
سؤال / محمود جنيدى 
ســــالى محمود
* * * * * * * * * * * * 
فجأة ..
فى لحظة صفا مع نفسى ..
لقيت نفسى باسأل نفسى ..
أنا بحبك من إمتى ؟؟
وازاى وليه ؟؟
عارفة لقيت الإجابة إيه ؟؟
بحبك من يووووم ماحبيتك ..
وبحبك زى ماحبيتك ..
وبحبك عشان حبيتك ..
إجابة بسيطة لكن هى الحقيقة ..
وحروف كلماتها طاهرة وبريئة ..
ولو جابوا مليون حرف فوق حروفها ..
مش حتكتب إلاّ إسمك ..
ولا حتوصف إلاّ رسمك ..
باحس بالدّفا ف قلبى ..
أما بافكر فيكى وافتكرك ..
وانا أصلا ،
مبفكرش إلاّ فيكى ..
ودايما فاكرك ..
مانتى ساكنانى ..
حبك بيجرى ف شرايينى ..
نفسك بيملا رئتينى ..
نبض قلبى ونور عينى ..
فى الشّتا حبك دفايا ..
وفى الصيف نسمة هوايا ..
وفى الخريف ورق شجرى ..
وفى الربيع ندى زهرى ..
هو ده حبك ياعمرى ..
بس نفسى يعد ماتقرى ..
تجاوبى على نفس السؤال ..
حبتينى إمتى ؟؟
وازاى وليه ؟؟
************
****
** ) ســــــالى :
**************
هو الحب ايه
جاوبنى وقولى ايه
لو يوم حبيتنى حبتنى ليه
عرفنى ليه
اشتاقلك ليه
واحن ليك
واغمض عيونى واحلم بيك
ومن يوم ما حبيتك
ما اعرفش ليه
مليت حياتى ودنيتى
وبقيت بداية قصتى
وكل الامانى اكون ليك
وزى ما حبيتك هاحبك
من غير ولا اى سؤال 
من غير ما استنى جواب
الحب انت والحب ليك
واقضى عمرى وانا بين ايديك
****
** ) محمود :
***********
الحب إيه ؟؟
إنتى عارفة الحب إيه ..
من غير ماقولك انتى عارفة ..
الحب يعنى باحبك ..
الحب يعنى بتحبينى ..
وقد ماحتويكى تحتوينى ..
واما اشتاقلك أغمض بس عينى ..
وانتى غمضى حتشوفينى ..
مانتى عارفة وحاسة بيا ..
حبيتك .؟؟.
أيوة حبيتك
معرفش امتى وازاى وليه ..
حبيتك وخبيتك فى قلب قلبى ,,
فى كل همسة ..
ونظرة ولمسة ..
ألاقيكى لسة ..
مستنية أقولك إمتى حبيتك ..
واما سألتك ، 
مالقيتش عندك الإجابة ..
يعنى سؤالنا مالوش ‘جابة ..
يعنى من يوم ماحبيتك ..
معرفش ازاى غيرتى لون الدنيا ..
غيرتى طعم الحياة ..
بداية جديدة لعمر جديد ..
وزى ماحبيتك من غير ازاى وليه ..
مش حاسأل تانى ..
باتمنى اعيشك عمرى اللى جاى ..
فى حضن حضن قلبك ..
****************
19 ديسمبر 2018