سمار لونك

بقلم مصطفى النجار

سمار لونك واشواقي وطول الصبر
ولمعة عينك الصافية كأنها سحر
وحيرتي وغربتي وغيرتي ودمي الحر
ورمشك اللي سهاني قدر يوصل لوجداني
وتفكيري اللي عياني وكل ما فيكي خلاني أعود تاني
وأكتب شعر
انا اللي حلفت ماتعذبش تاني خلاص ولا اكتب شعر ولا اعشق ولا اتلوع
مدام ولي زمان الحب والاخلاص في ايه يستاهل اني عشانه اتوجع
وقلبي سجنته جوايا وجردته من الاحساس
ولا بيصد ولا بيرد ولا بينفع ولا بيضر
هجرت الشعر واخترت اني اعيش الهجر
وكان من المستحيل اني أعود تاني واكتب شعر
نقطة ومن اول السطر
وانا لسه ف اول شطر
اخيرا عدت اكتب شعر وماسك قلمي ف ايديا يا شوق قلبي لدي اللحظه
كأنها روحي منسية
قصيدة جديدة بكتبها لأجمل سمرا ف الدنيا
سمار لونك عملي حصار بشوفه تملي حواليا
بشوفه ف ليلى وانا سهران ف نور الفجر
بشوفه ف كاسي وانا سكران ف لون الخمر
بشوفه ف لوني وجنوني واجمل صورة ف عيوني
وانا صاحي وف منامي
بشوفه تملي ادامي
مابيسبنيش
وخايف ابقى انا شايفه وانا قصاده
وميشوفنيش
سمار لونك لو اتبسم ف يوم للصخر
هيتشقق وينبع منه مليون نهر
فيبقى مش غريب ان انا قلبي يتحرر
ويبقى مش عجيب اني أعود تاني واكتب شعر