صحيح كداب بقلم مصطفى سبتة

صحيح كدبك فاجر قلبك قادر
يلعب بمشاعرى ويتفاخر
يالله روووح يالله رووح
قلبى مش ناقص جرووح
دمع قلبى والله نازل م العيون
مهما أخبى من جروحي
سكينك مطعون فى روحي
شيئ غريب
ليييه مشاعرى ماسكه فيك
ليييه تملى بتحابيك
ياقلبي حب ده ولا عذاب
نفسى أمحى شوقى ليك
قلبى قال لامستحيل
انت تقسى تغيب وتنسى
وقلبى يرجع ويداديك
روحى عشقاك جوه منى
أيوه لسه بغير عليك
أنت مش باقى عليه
ليييه معذب قلبى بيك
رغم وجعى والجروح
قلبى عايش عمره ليك
كنت لعبه سهله جداً بين إيديك
كنت عارف إنك إنت مهما تعمل
قلبى بعمره مشتريك
هو باقى ليه عليك
ليييه موافقه ع الأهانه
ليييه بقلبى وبمشاعرى مستهانه
أنا حبى حب غير أي حب
نبض قلبى جوه منى طير
مدبوح جريح
مكسور جناحه عايش ف حبك أسير
مين يدارى جرح عمرى ويداويه
وانت دمع جوه عين
حزن باين ع الملامح والجبين
حضن مبتور الإيدين
يالله ابعد عن حياتى خطوتين
عود القلب الحزين ع الفراق
يمكن يرجع مره تانيه للحياه
أو يعود تانى إليك
من عذابه فى البعاد
للعذاب مابين ايديك