فطار الهنا ياصحبي بقلم مصطفى سبتة

جربت تبات وبالك مشغول
وتضرب كف بكف وتقول
إللي إنت فية مش معقول
عشان حزين مهموم كسول
طب جربت تنطق من الوجع
جربت تفرح للي زرع
بكرة تحصد كل نميمتك
عشان مرضتش بهزيمتك
لو قلت لنفسك هارد لك
كنت قويت بيها عزيمتك
وقمت الصبح حابب تقول
وإتمطعت لطبق الفول
وأة لو دشيت بصلة
هتفطر وبالك رايق
وعمرك ما هتكون مضايق
وتلاقي نفسك خارج فايق
لأنك لرزقك مش مسئول
وعمر بالك مايكون مشغول
لأن ربك هو صاحب القول
وأحمد ربك علي صحتك
غيرك مش لاقي شوية فول
وناس تانية نفسها في الفول