قالوا عنها كتير بقلم مصطفى سبتة

قالوا عنها كتير
بقلم مصطفى سبتة
قالوا عنها كتير جميلة
والعيون حلوه وكحيلة
غاروا منها كمان عشانها
بنت أصل و بنت عيلة
الأخلاق عنوان كلامها
والحياء أجمل سهامها
نظرة واحدة من عيونها
تتوصف ف ألف ليلة
الإبتسامة ... بتداريها
كلو قال إنه شاريها
وبأرواحنا ..... نفتديها
وقلوبنا عاشقة وقتيلة
هيه راسيه كتير وهادية
زي ورد الصبح نادية
زي شمع الحب قايدة
هيه في العشق البخيلة
حبي ليها مش كلام
بس ترميلي السلام
أفرح به و مش هنام
وملهاش ف الغرام بديلة