كان نفسي أحب زيكم بقلم مصطفى سبتة

ف وسط الزحمةنتلاقي
قلوب بتحب بعضيها
وناس للفرح مشتاقة
وناس الحزن بيجيها
يا ضحكة محملة سكر
ووش جميل ولا مكشر
عنيكي الحلوة دي موال
وقلبك عاشق الترحال
هاحب الدنيا علشانك
واعافر واحضن التيار
وادوس حافي ف وسط النار
يابخت اللي ابتلي بيكي
وعاش يحلم يلاقيكي
وحالف انه ما ناسيكي
وغنالك وألف شعر ..
يا ألف قصيدة مكتوبة
وضحكة ف قلبي منصوبه
وبيت مبني بميت طوبة
هيكمل لما نتلاقي ..
ياسكة طويلة دليني
قوليلي عالطريق مظبوط
عشان خاطري ماتخذيني
دا انا ف قربك هاعيش مبسوط
سيبيها علي الإله هتروق
ولا يشغل دماغك خوف
ولو ع الهم منه هافوق
عشان عينك عشقت الشوف
مفيش احساس بيبقي سراب
ولا أيام هتبقي هباب
ياحتة ماس ف وسط تراب
أنا مشتاق لحب جديد
أنا مشتاق لحب جديد