كترالوجع ياقلبي بقلم مصطفى سبتة

كتر الوجع كوم ورى كوم
وياما هموم وهموم شغلانى
وناس معانا وليها سنين
وسنين ياقلبي شغلانى
خسرت عمرى اللى راح
ولا حاجة ياروحي شيلانى
غير عشرة هانت من الناس
اللى كانت فى يوم شغلانى
وكنت فاكر انى عرفت خلاص
معدنهم لكن طلعت
معادنهم شيش بيش
والصدمة شلانى
قال ايه كانوا للنفس
وللروح توأمها
واهو من عبطنا ياقلبي
كنا فى يوم للناس توأمها
ودارت علينا ايام حزينة
وأصبحنا للخيبة توائمها
ودى اخرة اللى يعيش
بالاصول مع اللى فاقدينها
وعجبى عليك ياقلبي