كله بيعمل باصله

كتب/محمد عبد المنعم

كله بيعمل باصله ف الشدة الناس بتبان

وانا قلبي برئ واصله موضة قديمة كمان

عايش لسة على قديمه والناس يتغيروا

والضرب ف المليان يارب صبروا

دا داق كتير اذية جرح قاسى ورهيب

والضربة اللي بتوجع بتيجي م القريب

شكرا بقى للغريب بجد طلع انسان

ويارب ع الجراح دى وحدك انت اللي تعينى

ده ا قرب حد ليا كان اول واحد باعنى

اديتهم كل حاجة وفائى كان خطيئتى

كنت باوفى بسذاجة ملعون ابو براءتى

ماشى معاهم متغمى ومسلم امرى ليهم

وعمرى ما كنت اتصور الغدر ده كله فيهم

مش كل الناس ملايكة خلصوا بتوع زمان

وانا م النهاردة خلاص مراكبى اكيد هاحرقها

حب صدق واخلاص دى حاجات عمرى ما اصدقها

ف زمنا الصدق ميح وبنحترم الاذية

واللى عايش صريح مالوش خلاص دية

واللى بالف وش هو اللي فهمها صح

وخلاص العشرة ذكرى وانسى العيش والملح

دى حاجات عدى زمانها معادش ليها مكان