كيرلس عماد موهبة فنية شابة في الجرافيت بأبوتيج يحتاج لرعاية لأعماله هو وأمثاله

كتب شعبان أحمد

يحظي مركز أبوتيج بلد سلطان الصعيد بالعديد من المواهب الفنية خاصة الشبابية والتي تحتاج لرعاية حقيقية حتي تكتمل موهبتها بصورة مثالية ومن هذه المواهب شاب يدعي كيرلس عماد يقطن مدينة أبوتيج  .

برزت موهبته في رسم وتصميم أشكال حقيقية وشخصيات علمية ودينية ورياضية بطريقته الجرافيتية علي الحوائط والورق وشارك في تزيين العديد من الأماكن بأبوتيج مثل سور مطرانية أبوتيج .

وفي البداية يقول كيرلس عن نفسه ويروي قصته " بداية الموهبة في سنة 17 كنت في تانية ثانوى بدأت أرسم في حصة الرسم بشكل شد انتباه المدرسين عجبهم لكن للأسف خلصت السنة ودخلت في مرحلة الثانوية العامة وطول السنة كنت دايما بحفز نفسي بموضوع الرسم وأذاكر علشان أجيب مجموع كلية فنون أذاكر علشان أعمل الحاجة الي بحبها ودا كان بمثابة دافع ليا علشان أذاكر وخلصت امتحانات الثانوية وعلي طول قدمت في اختبارات القدرات لكلية فنون جميلة والحمد لله جميع الاختبارات تم اجتيازها بنجاح كبير ويرجع الفضل للفريق الي نمي الموهبة واهتم بيها فريق بنشتي افا انطوني وهوة فريق بيديره ابونا مقار راعي كنيسة ابو مقار والاستاذ روماني شكري ولكن لما طلعت نتيجة الثانوية جبت مجموع 85% ف قررت ادخل كلية تربية اساسي قسم مواد اجتماعية بس طبعا موقفتش لحد كدا ابتديت انمي في موهبتي لحد ما دخلت معرض تابع لكلية التربية ومسابقاتها بتنافس فيها كلية التربية مع الكليات التانية ومع الوقت والممارسة ابتديت أشتغل وارسم علي الجدران واشتغل في ديكورات المحلات والكافيهات ومازال التنمية والتطوير مستمر في الموهبة علشان كل رسمة برسمها ليها هدف أتمني انه يوصل لكل الناس"