لا تعاتب الخسيس

كلمات/أم هاشم العيسوي 
متابعة / ممدوح السنبسى 

اوعي تعاتب الخسيس علي قلة اصله 
طب قولي 
هو ينفع تدفع حساب انقطع وصله 
الخسيس دا زي طريق كله مطبات 
مهما تحاول هتتوجع في كل مطب
اوعي تقولي غصب عني حنيت
وهو عمره ما في يوم حب 
لو كان اعتبر حضنك وطن وبيت 
مكنش في ضهرك طعن وسب 
دا اللي زيه في حياتنا عله
قوله يالا غور وانتا شايفه ناقص
وليه معاك الف مليون ذله 
دا اللي في عينته بريئه منه أي مله

خلي دايما اختيارك كالسهم
 وإحسن إنت الرمايه 
في عالم مهما تعديلها قليلة الربايه
تعاملهم بأصلك يفتكروه ضعف
وتبعد عنهم ترتاح 
اسمع مني ودي اول الوصايا
عزيز النفس إنت.. مهما كان وتستاهل كل خير
وعمرك ما كان حبك ليهم ذنب
هما عالم طلعت عديمة الضمير
ف إطوي كل صفحاتهم وإحرقها علي جنب
مهما كان الجرح منهم كبير
معلش ما مسيرها تحلي وتروق
و بعد ساعات الضلمه أوام يهل الشروق
وكل شئ وله نهايه حتي العمر
وإعتبرهم قلم حياتك الوحيد ويالا فوق
دي القلوب زي ما فيها البيض فيها السمر
خانوك جايز وقالو كلام مش فيك بردو جايز
بس صدقني مش دايما تمشي زي ما تكون عايز
واعلم إن ربك أخد منك ما تحبه 
وهيعطيك بصبرك ما تتمناه
ميخيبش أبدا من قال يارب
وربك جبره كان معاه 
واشكره عرفك حقيقتهم بدري
بكره ينور بصيرتك للأحلي
ويأتي الخير من حيث لا تدري
وإحسبهم كانو تغفيله وسحله
قول يارب والفرحه حالا تهل
ولا اقرب من الايام فإياك تمل