متشكـرين يا دنيا ومليــون تحية

بقلم كريمة دحمانى

متشكـرين يا دنيا ومليــون تحية والفيـن ســلام
ممنــون ليكى على المحبــة وعلى كــتر الكلام
ومــن فرحتى بجناب سيادتك اسمحيلى أشكرك
على الانين وعلى الوقت اللى فات و كان غرام
بس ليا كلمة لحضرتك بـدون زعل ولا العتــاب
بعد عمـر عدى وفات فيه فرحتى وحلم العزاب
ليه ديما بتنسى الفعــل والفــاعل والمفعول معايا
وقافلة رحمة ربنا وكلام الصدق منى للاحبــاب
هو يعنى اللى يتمــسك فيكى بالحـــلم والآمـــل
كأنه أتمسك بالخيال والوهــم وحضـن الوهـــن
بشكيلك بس بدون عتـــاب ولا اى كلمة نفـــاق
ولا أنتظـار لصـدقة جارية من سنيـــــن الكلل
ورغم قسوتك عليا بكلمك وبعاتب حياتى معاكى
على اللى راح وعلى الجراح وليه أكون فداكى
أكون انا اللى شايلة الهموم وكل يوم أعيشها
على العموم متشكرين على قسوتك بين حياتى