مستحيل أرجع تاني بقلم مصطفى سبتة

صدقيني ياحبيبتي
مستحيل ارجع تاني
أنا ياحياتي خلاص
مش حمل جراح من تانى
جرحى الآول لسه ما طاب
ياما فرشتيلى طريقى أمانى
أتاريه وهم وكانت كذابه
أبعدي عنى روحي وأنسينى
قلبى خلاص قفل الآبواب
ذنبك ايه أنك تهوينى
وأنا شايف الحب عذاب
أبعدي عنى خلاص مش راجع
أنا قدامك طير مجروح
بضحك اه دى حلاوة روح
أنما قلبى مش بيبوح
كأنه جماد مفهوش الروح
عمرك شفتي جماد بيحب
ولا قابلتي جماد له قلب
شايف الحب قصادى سراب
واللى جنيته منه عذاب
علشان خاطرى أبعدي عنى
ابعدي عنى أياك تهوينى
لآجرح قلبك وابقا الجانى
قلبى اتعلم يبقا انانى
بطعنة غدر لواحد جانى
لو جربتي تكوني فى مكانى
راح تتعلمي تبقي انانيه تاني
وتظلمي وتبقي كمان الجانى
ما اتمناش تبقا مكانى