( مش فارق ) بقلم أبو رامي الأسواني

وقدرت تفارق وتخاصم
ولا تسأل ولا حتى تعاتب
وتاخدك منى الايام
عادى ولا فارق اى خصام
قلبك جابك وقسيتى
ونسيتى القلب واشجانه
ونسيتى حبه وحنانه
لو فعلا هان ليكى حبى
هتهونى عليا وهنساكى
ولا هندم ولا هترجاكى
سلامات وانتى الخسرانة
هتعيشى حياتك تعبانه
وتلومى حالك على هجرى
وف بعدى تحسي بفراقى
ولا ينفع ليكى يوم ندمك
واشوفك واعمل مش عارفك
واعيش عادى خالص من بعدك
مش قلبك جامد وقدرتى
تنسي ايامى ولياليا
هتعيشي حياتك مبليه
وتنادى عليا ف أحلامك
هقلق لك والله منامك
ولا يوم ف بعادى هترتاحى
ابو رامى الاسوانى