نصائح تربوية يومية

تكتبها : دكتورة منال الطيطي 
الاردن

ايتها الام الغاليه الموقره... 
علمي_بنتك
انها كائن قوي يقدر يعمل اي حاجه.
 ان مستقبلها بعد ربنا في إيدها تقدر تشكله زي ماهي عايزه.
ان أنوثتها ميزه مش عائق.
ان مش منتهى أحلامها تكون زي الولد ده تقليل من شأنها.
 ان قدرتها على الاحتمال أكثر من اي راجل 
 انها ماتسيبش حقها علشان بنت و ماتخافش عشان بنت
 ان البنت مش زي الولد بس مش اقل منه هما بس مختلفين
 ان قوة الشخصيه مش انها تسترجل 
 ان الرقه و الهدوء مش دليل على الضعف
 ان قدراتها مالهاش حدود
 انها تحافظ على نفسها لانها بتحترمها مش علشان خايفه من الناس
 انها تعرف تحط حدود لعلاقاتها لانها عارفه قيمة نفسها
 ان شخصيتها و أخلاقها اهم من مظهرها الخارجي
 في نفس الوقت مظهرها برواز لشخصيتها و إهماله مش قوه شخصية
 هي مهمه في اي مجال تختاره هي اللي بتدي اختيارها اهميه مش العكس
 ان دور الام و ربه البيت اهم وظيفه ماحدش يقدر يعملها بدالها و لو اختارتها مش معناها انهااقل من اللي بتشتغل
علميها ترتب أولوياتها بدون ضغط ( في وقت هيكون شغلها ليه الاولويه و في وقت بيتها هيكون ليه الاولويه)
 انها مصدر الحنان و الدفء لكل اللي حواليها
 ان المرأه نص المجتمع و بتربي النص التاني ( يعني المجتمع كله)