هات الحصيرة بقلم رغداء صبيح

هات الحصيرة وتعالي قابلني
نفرشها علي النجيله ولاحد يكلمني
براد وسبرتايه ومعلقة وكوباية
شاي في الخمسينه ولا في قلة قيمه
وعم سلامه بينادي مراية والفلاية
ياعم يابتاع البخور ريحتك هله
حوليك ناس يامه الي بيجري والي بيلعب ولا بينده لولاده عشان يتغدي
رص الصحون رص والحلة خليها في النص
حلوة اللمه ياناس شوفت البت عفاف شدت حته وجرت
اجري يا واد ياميدو قولها ترجع هنا
حلوة الحصيرة دي جيبها منين يا ام عماد اكيد من سوق التلات
حلوة اللمه يا ناس والتربية هي الاساس
علي الطبلية ياما اتلمينا
واخدنا علي بعضينا
دلوقتي ليه عاداتنا اتغيرت
والمهر بقي بالالوف
البنت دي عايزة الدهب علي الكفوف
والناس مش عاجبها مشيها
اصلها مشيت طريقها لوحدها
مش دلوقتي الموبيل ليل ونهار علي ودنها
والناس مشغول عن بعضها