(هلوسات ميت) بقلم أبو رامي الأسواني

طلب الدكتور منى ارتاح
وانسى همومى بس لكام يوم
مبشوفش النوم
من عله صابتنى ف الوجدان
بتفرحنى ليوم واحد
وتجيب لى الباقى كمان احزان
واكمنى عايشها وباخلاص
اقل ما فيها وجعانى
أنا عايش بس لجل أعانى
قال لى الدكتور
كام يوم وتنام نومه طويله
بطل حسابات
ياما مشيت فيها مسافات
ايه اللى حصدته وجانيته
واكمنى بفكر والتفكير
خد وقت كبير
ضاع م العمر سنين ياما
مش مفهومه معانيها
ودنيا خلاص ماشيه وفانيه
مش مستاهله تعيشها حزين
طلب الدكتور منى ارتاح
خلاص هسيبهالكو وماشى
والناس تترحم وتلالى
ويقولوا راح منا الغالى
وناس هتعزى وتتريق
ويعيشو الدور قدام اهلى
أنا شايف قدامى المنظر
لوحه ومكتوبه عليها
هنا يرقد من كان فنان
مات مظلوم م الدنيا ومتهان
ولا يوم ضحكتله الملعونه
ابو رامى الاسوانى