" يامصر ياغالية "

بقلم / ياسمين حافظ

يا مصر ياغالية يا ام الدنيا

تعيشي دايما منصورة مرفوعة راياتك عالية

يا مصر ياحبيبتي أنا يا اللي حبك زي حب الضنا

خليتي شعبك كله بيدعيلك بالفوز لرب السما

والفرحة كانت مالية الشوارع بالزغاريد والطبول واكنك عروسة في ليلة فرحك متزينة

وبسبب ماتش كورة فرحتي شعبك فرحة العيد والهنا

اومال شوفي بقى لو حلتي مشاكله الكتير المتكومة

يا بنت الأصول ياجميلة يا طيبة

ده انتي يا مصر في القلب والعين دايما قريبة

بشعبك وناسك واهلك الطيبين هتكوني دايما ملكة متوجة فوق كل الرؤوس

وبجيشك رجالك البواسل تكيدي الاعادي و ضعاف النفوس

يا مصر ياغالية يا ام الدنيا

تعيشي دايما منصورة ومحمية