يا بلادي كتبت اسمك علي وش القمر في السما

..كلمات -عواطف حسن علي
يابلادي....كتبت اسمك علي وش القمر في السما
ومع كل تسبيحه اسبح ...فيها ربنا
وعلي كل حبة ميه نسقي بيها زرعنا
يابلادي..
علي رمل الصحاري اللي بيهتف باسم مصرنا
وعلي وجه الكنائس والمأذن في السما..بتلمنا
يابلادي..
كتبت اسمك....في حدوته مصريه ..ولا نكته نضحك
عليها سنه
ولا ناي حزين ..نسمعه يلملم جرحنا..
كتبت اسمك....علي هرم واقف يناطح السحاب في السما
يابلادي..
كتبت اسمك
علي وجه جندي واقف يمسح عرقه تحت الشمس
حامل سلاحه...
حالف بدمه يحمي ارضنا...