أنا النص اللى مالهوش ....نص..!!

أنا النص اللى مالهوش ....نص..!!

و يملا عنيك ..لما...تبص...

عادى !! تفتكره..كامل..

لكن لما..هتتعامل..

هتلقى ان ..الجنان ..يتحس..

فى حد بدون نقاش ...عاقل..

أنا العالم أوى...الجاهل..

أنا الصعب اللى ...بالساهل!!

معلش..قلبت ..دماغك...صوووح..

مافيش وظيفة..مع انى كلى.. هدف ..وطموح..

غموض..من كتر ماهو...وضوح..

أنا اللى كتوم أوى...مع انى ببوح...

أنا سليم معافى.. لكن مجروح..

جروحى اتحولت..ل فصوص..

مرصع بالوجع...مرصوص..

أنا محظوظ أوى ....ماأنيش منحوس..

هتييجى تحلنى...هتلوص..!!

ماليش اجابات..

أنا نبضى....ف الكتابات..

ماليش ماضى..

وماليش بكرة...

وماليش حسابات...

فلو عايز تريح مخك..المشغول..

أنا فايق..ماأنيش مسطول...!!

وديع جدا..ماكنتش ..غوول..

فهل ..وصلك..منى..القوول..؟؟؟؟

خيال..متربى فى الواقع...

بياض....فاقع....

ف غيم ....ألوان...

برىء جدا..لكن فنان...

وشكلى ..بيدى..على انسان..

وتلخيصى....!!!؟؟؟

أنا اللى رعبت كوابيسى......

وأنا اللى خدت حرية....

بقيتنى أنا..وبقيت هيا...

وبيها قفلت ....ترابيسى....

عليا..عشان..أعيش وأموت..

وكلى ..فضفضة ...وسكوت..!!؟؟

وبحاول بكل صمود..يكون لى كيان....

وأحمى روحى..وأنقذها.من الغرقان...

بقلم

"" فرحةالحمورى"""