أنا مصري و إبن مصر

بقلم مصطفى سبتة

أنا مصري وعاشق ترابها
أنا مصري ومصري أصيل
و إسمع والكلام حصري
وطني وواجب التأصيل
أنا إبن حضارة ممدودة
وعمري في هواكِ طويل
أنا رسمك وكراسك 
أنا المواويل
أنا جندك وحراسك
أنا المصنع أنا المدفع
ومن أجلك أخوض الويل
وأتمدد 
وفوق الأرض أستشهد
جيل ورا جيل
أنا عشقتك وأنا فـ بطنك
وأنا فـ حضنك
أصون حصنك
نهاري وليل
وإنتِ شفايا والبسمة
لقلب عليل
و أنا شوقي أنا حافظ
وعلم زويل
أنا الصحرا اللي مزروعة
ووادي النيل
ياتاج العز فوق راسي
أنا إبنك
 أنا إبن النيل
أشد قلوعي في بحورك
وفي نهرك
وحملي راسي فوق ظَهرك
و أرفع بالأذان ظٌهرك
و أصون عزك 
وأصون طُهرك
وانام بين رموش عينك
 ولا أخشى الويــل
وأرفع صوتى و أنا باكي
باكي بس مش شاكي
ده أنا ضيك ودنياكِ
و أرتل بالآيات ترتيل
وجوه خشوعي و أنا ساجد
ودعوة السجود تبتيل
لرب العرش يرعاكِ
ياطلع نخيل
وغصن زيتون وليمونة
وزرعة م الورود إكليل
ياخزنة ربنا ف أرضه
لجيل ورا جيل
يا أهرامي وصوتي
ونبضي وكلامي
يالحن جميل 
أنا عايش على رسمك
على إسمك
وتحت السيل
عروس البحر و الترعة
عروس النيل
وبصعيدك وتصعيدك
لكل  أصيل
عشقت التبر في عيونك
بدون كحلة ولاتجميل
عشقت الضله على نهرك
مابين شجرك 
على السكة على المركب
و أمدد في هواكِ و أقيل
أسأل ربي يرعاكِ بكل جميل