المطبخ تقدمة صابرين متولى : طريقة عمل فراخ كنتاكى ..من مطبخ  الشيف "صولا مصطفى"

المقادير
دجاجة مقطعة 12 قطعة 
دقيق
خل
مياة بصل
زيت غزير للقلى
3 ملاعق زبادى
ملح
توابل ( فلفل اسود, بابريكا, زنجبيل, ثود بودرة, بصل بودرة, قرفة, حبهان, ورق لورا, قرنفل, روز مارى, زعتر )
الطريقة /
بنغسل الفراخ بالدقيق والخل ونعمل فيها فتحات عميقة علشان تستوى كويس ونتبلها بالزبادى والملح والخل ومياة البصل وكل التوابل اللى موجودة فى الوصفة بعد ما نطحنهم مع بعض ولازم تبات فى التتبيلة على الاقل 12 ساعة علشان تتشرب كويس وتستوى بسرعة
بنجيب كوبايتين دقيق و كوب ماء وحطى عليهم معلقتين من التوابل المطحونة ويبقى قوام الخلطة دى سايل شوية شبة سلطة الطحينة ونطلع الفراخ من التتبيلة ونحطهم فى خلطة الدقيق والمياة ونسيبهم فيها ساعتين لحد ما تتشرب منها
فى الوقت ده بنجيب حلة عميقة ونملاها لنصها زيت ونسخنة كويس اوى 
بعد كدة بناخد الفراخ من خلطة الدقيق بطرف صوابعنا ونعرفها بدقيق مخلوط بخلطة التوابل بتاعتنا وننزلها فى الزيت مباشرة ونوطى عليها النار ونغطى الحلة لحد ما تستوى وقبل ما نخرجها من الزيت بنعلى النار تانى ونسيبها لحد ما تقرمش ونكمل باقى الكمية بنفس الطريقة 
تقدم ساخنة مع ارز الريزو وسلطة الكول سلو وبالهنا والشفا :)