اه بقلم د. وائل فؤاد نجيب

اه يابني يا سندي يا وتدي
اول يوم شوفتك قلت لاخر الدنيا ليك هودي
فرحت بيك فرحة مفيش زيها يا سندي
اتشد عودي واتفرد كمان ضهري
قلت هو ده اللي علشانه مش همنع يوم نفسي
ولا هقصر في حقه ولا في يوم هوفر نفسي
ايوة هو ده عضدي وابني وسندي
كبر الولد قدام عيني يوم ورا يوم
كنت في كل لحظة احلام بيوم
كنت بحلم بيه بيجري في العلام
وبينجح وبيكبر ويبقي شاب همام
واما تفوق في الثانوية قلت ياواد له قوم
بالواجب ده نبتتك طلعت والحصاد اليوم
شجعته يدخل الجامعة حتي لو التعب زاد كام يوم
مش مهم ما انا علشانه يعني هعيش كام يوم
اتخرج وبشهادة كبيرة اتباهي قدام القوم
قلت لنفسي يالا يالا يا واد افرح بيه وسط القوم
يومها شوفته وشوفت حواليه الملايكة بتحوم
فرحت اوي وفهمت انه محروس من اللي ضده يقوم
طمنت نفسي وشجعتها وقلت ليها اهو جه اليوم
اشوفه راجل محترم وملو الهدوم
خلص شهادته وقال يا ابويا انا لي مع العدا يوم
سبني اروح اوجه اهل الشر واعرفهم مقامهم
اترجته يستني شوية افرح بيه كام يوم
ضحك في وشي وقال لي هغيب عليك كام يوم
وارجعلك نفرح سوا وتشوفي العدا مهزوم
اترجت فيه وعطلت فيه وخفت عليه من يوم مشؤوم
ايوة كان نفسي اشوفه واقعد معاه ووصيه علي اخواته الكوم
كان نفسي اشوفه يوم فرحه ما هو ده لي انا احلي يوم
اشوفه يوم فىحه ما هو ده لي احلي يوم
اشوفه واقف جنب عروسته ده مفيش زيه يوم
هو كان شايف عروسه تاني معشوقة كل القوم
كان نفسه يروح يهزم العدا ويفرح اهل البلد بعد اليوم
االي كل الناس بكيت فيه وقالت تاني مش هنقوم
راح ولدي يسجل اسمه في سجلات العشاق لعروسته
طلب يكون في اول الصفوف ويقدم حياته هدية لعروسته
راح واجه العدا بصدر مفتوح وانتصر
ولكن ساب قلبي عليه مذبوح من الكسر
رجع لي في صندوق ومعاه مر صعب اي حد يوق
واتا اللي كنت بحضر حاجته وبرتبها بذوق
اصلي كنت مستني اخده بالاحضان والف بيه مع اهل البلد
طلع هو حكيم واختار انه يضحي بنفسه من اجل البلد
اه يا وجعي عليك يا ولد
لكن انت حميت مصرنا
وخليت الفرح ينتصر علي حزننا
ورفعت راسنا بعد كسرنا
وردت رد قوي علي اللي كسرنا
وصنت عرضنا وشرفنا وارضنا
ومسحت من علي خدودنا دمعنا
اه يا ولدي اه رفعت راس كل عيلتنا
وبقيت يا ولدي زينة حتتنا
وزاد بيك عددنا وفعلا كبرتنا وزودتنا
خلتني كبير الحته وعمدتها
وكل الناس تقولي محدش زيك يا كبيرنا
وامك بقي يتقال ليها يا ستنا اصل ابنك وحيدك
ازال عنا العدا وبذل حياته عننا كلنا
يام البطل اللي واجه بكل قوة وعزة عدونا
وانتصر عليه ورفع راسنا كلنا
خلتني كبير الحته وعمدتها وانت زينتنا