رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
الأحد 22 ديسمبر 2024 10:15 م توقيت القاهرة
رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
أنا باسمـي و باســم اخواتـى ... ببعـت ل عنيـكي رسالـه
و بقـــولك دانتي ليــلاتي .... ف العين و الروح متشالـه
ياوطن لمنا ف عيونـه ..... دمنـا حالف ليصونـه
و بإذن الله و بعونــــه ... لتكوني ف أحسن حاله
........... طــول ما ولادك رجالـــه ............
.
راح منا كتيــر انا عارف ........ ولا واحــد فينــا بعيــد
كلنا ف الصف أهو واقـف ...... يكتب ف الكشف شهيــد
عازمين ع الموت ف سبيلك
و ان مـــره ندهتـي نجيـــلك .... و قلوبنا بارود وحديــد
.
تعظيــم...
تعظيــم لجميــع الشهـدا .... من شـرم الشيـخ ل سوهـاج
تعظيـم ل الـدم الطاهـــر ............ و اللي ادالك إفراج
فوق راس الكل جميلهــــم
والله احنــــــا مانسينهـــــم
من أصغر عسكري بينهم ...... ول حـد ( نبيـل فــراج )
.
الغالـي بيفــدي الغالـي ....... وحياتنـــا احنـــا وهبناهــا
ولا بيت من حزنك خالى ........ من أم بتبكي ضناهــا
دمعها له هيبه و لمعه
لكن مع صوت الدمعه ....... تضحك زغروطه معاهــا
ماهي دى الام المصريه
مهما انكسرت دى قويه
زرعـت ف أخويا و فيا ............ إن التضحيه رسالــه
.............. فا طلعنـــا صحيح رجالــــه ..............
.
وطلعنـا نمـــوت ع النصــر ..... ولا حـد يقــرب جنبـك
تشكيلــة شهـــدا يامصــر ..... أنا عارف واجعيـن قلبـك
بس انتي العشق ف عينهــم
ولا شوفتي جبان يوم بينهـم
الـــدم بينــــــزل منهــــــــم ...... يكتب ع الارض بحبك
.
بنحبـــك آه من جــــوه ..... و الحــب ليـــــلاتي بيكبــر
ربنـــــا يدينــــا القـــــوه ...... ويعينــــا على المتقــــدر
ياوطن هات شمعك قيدوا
في معانا كبير على إيـدو ......... علمنــا نحبــك أكتــر
.
يابلادي انا دمى دا حامي ... وضميري عيون صحيالك
بالليل اتغطي و نامى .......... علشان تصحي لاشغالك
وانا كان ع الخونه سيبيهم
إحنــــا هنتكفــــل بيهــــم ........ ارتاحي و ريحي بالك
.
في عيـون النـار تحرقهـا ..... و عينيـن اتنيـن ف أمـان
عين خافت م اللي خلقهـا ..... و عين خافت ع الاوطان
و انا خوفي عليكى دا غيه
خـــوف أشبــه بالملاغيــه
من عيـن النــاس و عنيـا ........ يابهيــه ف كل زمــان
.
ياوطن لمنـا ف عيونـه ..... دمنا حالـف ليصونـه
و بإذن الله و بعونـــه .... لتكوني ف أحسن حالـه
........... طــول ما ولادك رجالــــــه ............
إضافة تعليق جديد