رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
الأحد 22 ديسمبر 2024 5:45 م توقيت القاهرة
رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
ياللي شايـل ف المشـاعـل .... و الندالــه بقالهــا صـوت
ياللي حـارق ف المصـانـــع .... و الصوامـــع .. و البيـــوت
مصر مش هتضيـع ياواطــي .... مش هتركـع أو تطاطـي
يا للي ما بتفهمــش إفهــم .... مصـر مش ممكن تموت
.
مـش هنبقـــى ألــف مِـلّــه .... مش ح يهزمنــا الفــراق
صعــب جـدا نبقـى سـوريـا .... و لا ليبيــــا .. و العـــراق
إحنـــــا لينـــــا رب واحـــــد .... و الوطن ف قلوبنـا واحـد
مهمـــا من بـــره اختلفنـــا .... مصــــــر جـوانـا اتفـــــاق
.
مصر وِحْـده غريبـه جـدا .... صعب تبقى ف يوم فريسـه
إبن عمي إسمه جرجس .. وابن خالتي اسمه عيسى
فيها قبطى بأحلى صوره .... صــام معايـا صيام عاشورا
فيهـا مسلم صلى فرضه .... عادي فوق ضهر الكنيسه
.
إفهمـوا يا نفـوس مريضـه .... مصـــــر حالــه بنشتهيهــا
كل ما تقيــدوا ف حريقـه .... كل ما نـدوب عشـق ليهــا
مصـر باقيـه غصب عنكم .... خافـــوا يــوم تتبـــرا منكـم
ياللي ماسكيـن ليهــا ذِلّـه .... إنتــو أســـوأ ذِلّـــه فيهــا
.
إضافة تعليق جديد