حب زمان غير دلوقتي

 
بقلم المحامية هاجر محمد حسني 

حب زمان غير دلوقتي ، حب من قلب ،فيه تأمل واشتياق .

صعب تتواصل مع حبيبك ، تروح تقابله علطول  ،كانت وردة كفيله تسعدك ،لمس ايد كفيله تدفيك.

تكتب جواب من الخط يبان الاهتمام يبان الاشتياق يبان الكلام .

كان الحب حقيقي فيه اخلاص ووفاء 
لمه و عزوة ،تظهر حب الجد لابناءه و احفاده 

كانت كل مناسبة ليها طعم وليها لون تطول بالحب واللمه الحلوة.

كان الابتسامه شعار الحياه 

ابسط الامكانيات ولكن فيه رضا حقيقي من القلب خالص لله سبحانه وتعالى.

مكنش فيه هم ولا غم 

كان القرض هو الجمعية 

كانت مصاريف الولادة والسبوع   نقطة 

كان الاكل من جمعية 

والظفر كله تربيتك مضمون ميه ميه 

كان فيه الخير والبركة 

اقول ايه ولا ايه 

بس حقيقي لو اتكلمت عن حب زمان هقول كتير كلام 

هقول رمضان كان احلي عيد حب من اكله مليان حب ،لمي  مليانه دفي  ومشاهدة فوازير رمضان علي تلفاز 

هقول علي عروسة بتتزوج  شهور افراح طبل ورقص و زمر وفرح.

هقول علي عيد يسلام يسلام كحك مليان فن رسم هندسة ابداع حب حقيقي طالع من القلب 

هقول علي عيد أضحي مفيش مخلوق نايم مش واكل أضحي فقير وغني كله دابح اصل العز كان قايم 

ولا الحبيبه في كل مكان حديقة الازهر ولا الاسماك ولا شواطئ ولا كورنيش بس بينهم احترام