حديث مع رشا ابراهيم والدة البطل مهاب سلامة

كتب احمد الغمري

في حديث خاص مع السيدة المكافحة رشا ابرأهيم ام أحد ابطالنا ذوي الاحتياجات الخاصة فهي ام البطل مهاب سلامة بطل الجمهورية في العاب القوي قالت 

ولدت مهاب وانا لسه فى الكليه  اداب علم نفس كان الابن الثانى ليه بعد اخوه شهاب ووجود مهاب فى حياتى خلانى اختار اشتغل اخصائيه  نفسيه فى المراكز المتخصصه ليهم وعلى الاساس ده وبعملى كاخصائية نفسيه مهاب مراحش مراكز تأهيل خالص وبدات مع مهاب تدخل مبكر منذ شهوره الاولى كنت الام والاخصائيه والمدرسه بالنسبه ليه وحرصت منذ ولادته انى اعزز علاقته مع اخواته فشهاب بيساعدنى وبيروح معاه تمارينه وبيساعدنى كتير مع مهاب وهو قدوته وصديقه واخوه  واخته حبيبه اخر العنقود لسه عندها 6 سنوات ابنى الغالى مهاب حاليا فى تانيه اعدادى دمج ورياضى متميز 
مهاب بيلعب سباحه والعاب قوي فى  2017 كانت البدايه دخل الاتحاد في سباحه حقق مركز تالت والميداليه البرونزيه
وفى 2018 فى الاولمبياد الخاص لعب واشترك فى مسابقات    السباحه واخد المركز الاول والميداليه الذهبيه
و فى 2019  لعب البوتشى وحصل على المركز التانى وحصل على الميداليه الفضيه  وفى عام  ٢٠١٨ حقق اول عدو ١٠٠ متر  و فى 2019حقق في بطولة الاتحاد الرياضى المصري الأول عدو 100متر 
و 2020اتاهل لبطولة التميز و2019اتاهل برضوا لبطولة التميز
وحصل على المركز الاول فى بطولة المدارس  على المستوى المحلى للدمج و ذهبية 100م ورقم شخصي جديد ليه
فى بطولة الجمهورية للإحتياجات الخاصة وبيرجع كل الفضل للكابتن احمد فتحى بمركز شباب النصر هو المسئول عن تمارينه فى الوقت اللى فى مدربين كتير رفضت تدريبه او معرفوش يتعاملوا معاه فلهو مننا كل الشكر والتقدير
وبشكر مديرية ووزاررة الشباب والرياضه لدعمهم لاولادنا  الالومبياد الخاصه  من دكتور محمد توفيق ودكتور عمر ودكتور باسم  و كل القائمين في الاولمبياد الخاص و الاتحاد المصرى لذوى الاحتياجات الخاصه وخاصة المهندسه امل مبدى  ودكتور اشرف العجيلى ودكتور عمرو محى هم اللى حطوا ولادنا على طريق البطولات وحسسوهم بذاتهم وانجازاتهم واعطونا الامل فى الحياه  باظهارهم مواهب اولادنا فى المحافل المختلفه 
مهاب هو املى فى الحياه وسبب لنجاتى وتحسن صحتى لانى مريضه مرض مناعي ومهاب هو الي عطيني الهدف في الحياه واعيش علشان هو مصدر السعاده بتاعتي  هو الي ببقوي مناعتي والدكاترة بتوعي مستغربين اني في الحاله دي مع ان نتيجه الاشعه والمناظير لواحده في العنايه المركزه بس كل ما اشوف مهاب بحس اني سعيده وبترفع المناعه عندي مهاب هو الدافع اللى عايشه علشانه 
ومهاب مش بيحب الرياضه فقط ولكن وبيحب التصوير واللى علمه اخوه شهاب قدوته وصديقه واخوه ونفسه يكون موديلز ونجم اعلانات مشهور فيارب تحقق ما تتمنى يا بطلنا مهاب وكل الشكر والتقدير للام اللى تعبت ووصلت مهاب للمستوى التعليمى والرياضى وان يكون ليه شخصيه مميزه كل الشكر والتقدير
فهى نعم الام المتميزه لاشطر ابن متميز 
Mohab Salma