حوار| خبير الموارد البشرية احمد شهدى: مبادرة الناس للناس تساعد الشباب في الحصول على الوظائف

كتب محمد محسن

التدريب والتاهيل حجر الزاوية لاى شاب بعد التخرج والحصول على الوظيفة هو غاية كل شاب فى ظل قلة الفرص فى حوارنا مع خبير الموارد البشرية احمد شهدى صاحب مبادرة الناس للناس ليساعد الشباب فى الحصول على الوظائف

كلمنا عن مجال عملك وخبراتك؟

انا أحمد شهدي ... لدي 4 سنوات من الخبره في مجال ال Recruitment لعدة شركات في القاهرة

حاليا انا اعمل ك Freelancer Recruiter لعدد من الشركات حاليا

هل يؤثر محتوى التعليم على مسيرة الانسان؟

طبعا، مسيرة التعليم لها الجزء الاكبر من اكتساب خبرات الحياة و ايجاد فرص عمل مناسبة، فانا داما اؤمن بان افضل استثمار للمال هو التعليم

فيجب ان يكون الفرد لديه الشغف للتعلم و فن اختيار الاماكن المناسبة له

ايه رسالتك للطلبة والخريجين؟

انت مين و عايز ايه .. ؟

ده السؤال اللي لازم كل طالب و حديث تخرج يساله لنفسه علشان برتاح في حياته و في شغله و مسيرته المهنية

لازم يبقي عارف هو شاطر في ايه و بيحب يعمل ايه .. ده هيقدر يبدع فيه

هحكيلك مثال صغير: انا درست هندسة 5 سنين و بسبب اني مكنش عندي شغف وصلت لسنة 2 ميكانكيا في ال 5 سنين، بعدها قررت ادور علي شغفي و حلمي

لازم كل طالب و خريج يبدأ يشوف الحياه العملية في الواقع عامله ازاي، ياخد خبره حقيقه بعيده عن الحياه الاكاديميه

ايه افضل الطرق للبحث عن الوظائف؟

تختلف حسب نوع الوظيفة

بس اكتر الطرق و الاماكن الفعاله و الاكثر استخداما

1- ال Facebook Groups المختصة بالوظايف و بعض الاشخاص الموثوق بهم بيقدرو يوفرو و يعرضوا فرص عمل اكبر للشباب

2- LinkedIn

3- مواقع التوظيف الالكتروني زي WUzzef, Foresna , Bayt

4- مؤتمرات التوظيف من بعض الشركات زي American Chamber

ازاى اختار المسار الوظيفى المناسب ليا؟

السؤال ده مهم جدا

للاسف قبل ما اقدر اقولك رايي في سؤال حضرتك محتاج اوضحلك ان لازم اي حد و هو بيقرر يختار المسار المناسب ليهم، يحقق معادله صعبه جدا

و هي انه يكون ملتزم بعمل بيقدر يكفي بيه احيتاجته و بيادي عمله بدقه

و يبدأ يفكر هو مين و عايز ايه .. يبدأ يفكر هو شاطر في ايه و بيعرف يبدع فيه و يكون مستمتع و هو بيشتغل

و يبدأ يدور علي اماكن مناسبة للوظيفه اللي بيحلم بيها

او يبدأ الاول في وظيفه مختلفه كبداية و يبدأ يتدرج جوه الشركه

اهم حاجتين

1- يكون مسئول و عنده اصرار علي حلمه

2- يقدر يحافظ علي الشغف و الحلم بتاعه

كلمنا عن مبادرتك الناس للناس ؟

الناس_للناس هو هاشتاج بيقدر يساعد الناس تلاقي وظائف مناسبة

الحكيلة بدأت لما بدأت الشركات تمشي موظيفنها بسبب خفض التكلفه و العماله بسبب الظروف الحاليه من وباء كورونا

و بدأت اشوف ناس كتير بتدور علي شغل و عندهم مسؤليات و مش قادرين للاسف يلاقو حاجه مناسبة

فقررت اني اخصص من وقتي ساعتين كل يوم و ابدأ اعرض و انشر كل الوظايف المتاحه قدامي ( بحكم ان طبيعه عملي خلتني ليا علاقات ب HRs كتير في مختلف المجالات و المحافظات )

و بدأ اساعد الناس بنشر يوميا حوالي من 50 ل 100 وظيفه

و بدأت فعلا الناس تتفاعل

فبدأت افكر ازاي اقدر اساعد زياده و اقدر اوفر لكل حد فرصه عمل مختصه بيه و مناسبة

‏‏‏