حوار مع / هبة عصام صاحبة شخصية أبلة فضيلة ٢٠٢٠

كتبت دكتورة /#مروة_ماهر_
                        #سفيرة_التحفيز

تعرفت علي استاذة هبة بالصدفة علي أحد الجروبات  ووجدت أنها إنسانة موهوبة فعلا وسمعت لها العديد من القصص بصوتها الذي أبهرني وأعادني لسنوات الطفولة الجميلة وحكايات أبلة فضيلة والزمن الجميل وتعاملت معها وجدتها إنسانة خدومة تساعد الجميع ممن يحاول الإستفسار عن اي شيء في مجالها ولا تغار من احد لأنها بالفعل ميزها الله بصوت شبيه بدرجة كبيرة جدا بصوت أبلة فضيلة ونفس أسلوبها في القصص وإحساسها الجميل احببتها وقررت أن أكتب عنها لأعرفها أكثر  وما هي حكايتها وكذلك  ليعرفها الجميع وليتحقق حلمها يوما ما إن شاء الله 
 وفي البداية رحبت بها وسألتها بعض الأسئلة ألتي كانت محور حواري معها  كالآتي:-
*١/ من هي هبه عصام وما هو مؤهلها الأساسي ؟
_ أنا بنت دمياط مواليد  محافظة دمياط بكالوريوس تربية نوعية شعبة تربية فنيه سنة 2004

*٢/منذ متي وأنتي تقومين بعمل قصص للأطفال ؟
أجابت :- انا إبتديت أحكي قصص من السنة اللي فاتت فقط 
في شكل حواديت قصيره..لصديقتي الكاتبة /عائشة أحمد كاتبة كتاب/ روزا في الخيال ..

*٣/ لماذا إخترتي شخصية أبلة فضيلة  كبطلة لحكاية قصصك ؟
_ الحقيقه انا لم أختار ولم يكن  ببالي نهائياً أن يقال علي  الإسم لأن قيمة الإسم نفسه كبييييرة ومسؤولية كبيرة جدا ترعب بجد  التشابهه الكبير بين صوتي وصوتها كل اللي سمعني هو اللي بقي يقول كده صوت أبله فضيلة ،بس أنا محستش ده نهائيا بقدر  مالناس لاحظته هما وأولادي ، دي رجعتنا لللزمن الجميل زمن ايام ماكنا صغيرين 
والموضوع  جه بالصدفه  لما كنت بأقدم برنامج بفريق راديو كنت معاهم  أون لاين عشان دي هوايتي أنا بأحب الإذاعة جدا فزميل ليا من أيام الكلية وصديقه كانوا  بيسمعوني قالولي ماتجربي تحكي حواديت للأطفال قولتلهم ياجماعة مش هأبقي حلوة حواديت إيه بس دي عاوزة واحدة تعرف تحكي وتقدر توصل الحدوتة لكن شجعوني وقالولي بس جربي مش هتخسري حاجة وبالفعل صديقتي الكاتبة /عائشة أحمد قالتلي ياهبة  إيه رأيك لو قولتي القصة دي بطريقة سردك وانتي جميلة جداااا جربي كدا
وكانت بتتكلم أن احنا نتأمل في جمال الله عز وجل في كل حاجه حواليا 
وحولتها من فصحي لعامية ،وبالفعل نفذتها وعجبتها جدا وكل اللي سمعني قالي  زي أبلة فضيلة بالظبط
بس اللقلب نفسه يخض من جماله وقيمته ومسؤليته وأنه يتقال عليا كدا و ده وسام كبير علي صدري مكنتش أتخيله أساسا

*٤/هل إكتشفك حد أم انتي اكتشفتي موهبتك. ؟
_والله  فكرة حكي القصص أصدقائي في دمياط  وزمايلي من  أيام الكلية و صديقتي الكاتبة/ عائشة أحمد وكل اللي سمعني هم اللي دفعوني أن أكمل  واتهاجمت كتير عشان تشابة وتطابق الصوت لكن فالأخر زي ما بيقولوا يخلق من الشبه أربعين  وممكن يخلق فالصوت ...كمان سبحان الله 
حاجه مش بتبقي بإرادة الإنسان وكل شيء و له حكمة
.
* ٥/لماذا إخترتي قصص الاطفال بالأخص ومن ساعدك في إنتاج ونشر قصصك ؟
_اختياري لقصص الاطفال كان فيه جروب عالواتس اب لتنظيم يوم أولادنا في أزمة كورونا والحظر .واللي منظمه كابتن  بيدرب ابني عصام وقولتله انا هأحكي حدوته قصيرة للأطفال  وابتديت أجيب قصص علاء الدين ونور وقطر الندي وأقرأ كتير.والقصة اللي أحس نفسي فيهاوتشدني واقدر أحس اسلوبي فيها بأحولها لعامية واحكيهاو.اهم حاجه أن احس نفسي فيها مكان الطفل واتخيلها وابتديت  ادور علي جروبات إذاعة وڤويس اوفر اكتر أشير عليهم قصصي 
ومكنتش اتخيل نهائيات يتقال عليا  لقب أبلة فضيلة العصر الحديث وأبلة فضيلة ٢٠٢٠ لأنه لقب كبييييير  ليه قامته واسمه وسيدة فاضلة هي اللي بنيته لدرجة أن مرة اتسالت هل فيه صلة قرابة من شدة تطابق الصوت قولت لا لكن قالوا  ده هبة من ربنا ربنا يباركلك فيها
أبلة فضيلة ٢٠٢٠كامت بداية فكرة لصديقه ليا أيضاً في لمجال الإذاعي وعائشة صديقتي انا لا أريد ان انسي حد شجعني 
وكل أولياء الامور اللي سمعوني وأدمنز الجروبات اصدقائي هم اللي قالو عليا الاسم ده (أبلة فضيلة ٢٠٢٠)
هم ليهم فضل كبير في تشجيعي ودعمي وساعدوني كتير في نشر الحلقات عشان الناس تعرفني كان كل اللي علي لسانهم احنا وراكي لغاية ماتوصلي إن شاء الله 
و اسم البرنامج  شبكة الإعلاميين العرب وأصدقائي 
رشحوه ليا  وبقيت انشر تحت إسم أبله فضيلة 2020

*٦/ما هو حلمك التي تتمني تحقيقة   ؟
_نفسي بجد أكون  مذيعه كبيرة يوما ما في الإذاعة  وفي مجال التمثيل الإذاعي والفويس أوفر   لأن الإذاعه صوتهابيوصل للقلب وكل مايخص الصوت وماأعشقه بجد لا يقلل  حبي للإذاعه أبدا وكذلك فن الدوبلاااج فن تااااني خاااالص ⁦له ميزته 

 *٧/هل تعتقدي أن عودة حكايات زي قصص  أبلة فضيلة  سيكون لها اثر أيجابي في تطوير أدب الطفل؟
_ اتمني بجد ان أكون ليا أثر إيجابي وأرجع كل رساله كانت بتتقال لينا فالحدوتة وده سبب أني لا أحكي أي قصة إلا لما أكون حساها واستخرج منها معناها وفائدتها علشان اقدراحكيها واقولها وتوصل معناها المقصود 
ودي مسؤولية كبيرة بجد اتمني اكون علي قدرها لأن   الجيل  الجديد اللي طالع .محتاج بجد تنقية لأفكاره وفهم لمباديء كتير في حياتنا  ومحتاجين ولادنا يرجعوا يقرأوا ويسمعوا الراديو لانه بيفرق كتير مع الطفل زي مافرق معانا في نشأتنا 
كل اللي أتمناه أن اكون لي بصمة إ يجابيه وقدرت اوصل رساله تفضل مع الجيل الجديد تعويضا  عن العادات الغلط اللي بيشوفها وعاوزة أقول كلمة مهمه جدا 
أنا بشكر كل اللي شجعني ووقف جنبي وفضهري عشان خاطر يوصلني  ويدعمني 
ناس كتير جدا أصدقائي وزمايلي وأصدقائي الكتاب في القاهرة ودمياط وأدمنز الجروبات هم اللي شجعوني بجد ودعموني ودفعوني للتطوير و مقدرش انكر فضلهم من بعد فضل ربنا سبحانه وتعالي
 وهما بجد ساعدوني ودعموني وعلي إصرار أن انا أوصل للإذاعة. إن شاء الله 
بما فيهم طبعا حضرتك طبعا يا دكتورة/ مروة لإجرائك هذا الحوار وتكتبي عني ليعرفني الجميع  فألف شكر لكي وللجميع وتمنياتي بالتوفيق للجميع يارب و اتمني لا اكون نسيت حد وتحياتي لكي وللقراء بالجريدة الرائعة
وفي نهاية حواري مع الشخصية  الموهوبة الجميلة/هبة عصام الملقبة بأبلة فضيلة ٢٠٢٠ قمت بشكرها وتمنيت لها من قلبي كل التميز والرقي والتوفيق في حياتها وتحقيق ما تتمناه يوماً ما وافتخر حينها أنني أول من كتبت عنها لأن فعلا لي نظرة في كل موهوب  وأستشعر أنه سيصل لحلمه بكل تأكيد 
#سفيرة_التحفيز
#مروة_ماهر
#حوار_مع_أبلة_فضيلة_٢٠٢٠
#هبة_عصام