خليك واقعي

أحمد يوسف. الإسكندرية 

خليك واقعى واعرف إن أي حاجة كبيرة نفسك توصل لها في حياتك، لها ثمن.. مفيش نجاح بييجي صدفة… ومفيش حلم بيتحقق لمجرد إنك تمنّيته..

كل إنجاز حقيقي وراه وقت اتصرف، وتعب تم بذله، وأيام صعبة عدّت على صاحب الحلم وهو مكمل الطريق..

هتدفع من وقتك… هتدفع من مجهودك… وأحيانًا هتدفع من راحتك ومن مشاعرك كمان..

هتيجي أيام تحس فيها إن الطريق طويل، وإنك تعبت أكثر مما كنت متخيل، لكن الحقيقة إن دي ضريبة أي شيء له قيمة..

السؤال الحقيقي في الحياة مش "نفسك تحقق إيه؟"

السؤال الحقيقي هو:
"مستعد تدفع إيه علشان تحققه؟"

لأن الفرق بين اللي بيحلم… واللي بيوصل، إن واحد فيهم تمنى، والتاني كان مستعد يدفع الثمن..