عيد صالح فضفضة من الاعماق

كبرنا واتفرقنا
وبعدنا عن بعضنا
ولا حلم من احلامنا
سيبناه يتوه عننا
لكن ياصاحبي ..كده
الدنيا هيه كده
رجعت بعد سنين
لقيته برضه حزين
سألته ع الاحوال
اكدلي عال العال
سألته جبت عيال
قالي :ولا اتجوزت
باس ايده وش وضهر
يدينا طولة العمر
الحمد لله رضا
والدنيا دي ..سيما
فيه ناس تفرحها
بالشاي وتلقيمه
وناس ملامحها
متأدبه وقيمه
وناس معاها المال
وناس معاها عيال
وناس لا جاه ولا مال ولا حتي  …عيال
لكن تقول الله والحمد لله …رضا
 وتقول نصيبنا كده

عيشوا كما يحلوا لكم,,

ولاتحملوا همي فقد اصبحت بوحدتي خبيره