كتب عيد صالح فضفضة من الاعماق...

قلبي مش ها يهدي
ولا يغفل يوم وينام
إلا ما الشهيد يغني
ويجلنا في المنام
يقول افرحي يا أمي
حققت السلام
انا ابنك حبيبك 
وبقي ليا مقام
انا في الجنه يا امي
عايش سعيد فرحان
مش عاوز دموعك 
ازرعي فل وريحان
علقي زينه يا أمي
علي بيتنا والجيران
فرقي ورد وشربات
وقولي ابني همام
اكتبي وقولي عني 
مليون سطر ف ديوان
انا مش وحدي شهيد
انا واخواتي الجدعان
فديت أرض بلدي 
باغلي الاتمان
ولو رجعت تاني
افديها كمان 
وتعيش مصر ف أمان
اموت فوق ترابها
بدال ما أعيش جبان
أعيش مرفوع الرأس
علي مر الزمان
انا المصري يا أمي
معروف في كل مكان
اسألوا التاريخ
علي مر الزمان
الشجاعة احنا
والله المستعان
وا سألوا الدنيا 
عن المصري الهمام 
ومش هاستسلم ابدا
عمري بيد الرحمن
ولو مت مليون مره
مش هاكون خسران
هيه الدفاع والحضن 
والنبض والشريان
هيه قلبي وروحي 
وخير الأوطان
مقدرش أبعد عنها
من غيرها أكون قلقان
ومهما جرالي عشانها
هاكون برده فرحان
مش هاو فيها دينها 
لو حتي في الاكفان

رحم الله شهداء الوطن.من اجل ان تعيش.