كتب : عيد صالح فضفضة من الاعماق:دنيا غرورة ملهاش امان

وحيد انا في الدنيا
وحيد والدنيا مالها امان
ولااخ والااخت ولاعم ولاخال
ولااي احساس بحنان
لاحد يمسح دمعتك
ولادمعتك من حقها تبان
................................
وحيد انا في الدنيا
والدنيا مالها امان
احساس بحنين
و انين
اوجاع
و اهات
ظلم
وغدر
واهانات
احزان في القلب تبان
ودموع علي الخد تبات
...............................
وحيد انا في الدنيا
والدنيا مالها امان
هو الزمن ماله
ولاسيب الزمن في حاله
مالنا احنا وماله
كل مصيبة نقول هو
والعيب فينا مش في هو
.............................
وحيد انا في الدنيا
والدنيا مالها امان
بصرخ وفين صوتى
وسط الزحمة
ضاعت خيوطى
نفسي ااصرخ واقول كفاية
دى دنيا فانية دى مش النهاية
دة كله زايل ودى الحكايه
ياريت لو نفهم ان احنا في البدايه
والله ماهى دى النهايه
بس ياريت نفهم الحكايه
دى حيتنا قصيرة
كلها نقطتين
وفي غمضة عين تنهي الحكايه
ومافيش غير عملك في النهايه
طيب ليه بقي الصراع
وليه الطمع والجشع يبان
والاخ يقتل اخوه
والابن يعادى ابوه
والضعيف ينداس
والظالم ينشال علي الراس
ده حرامى وسقفوله
وده نصاب وااهتفوله
والدنيا بتلف بينا
والغربه بتاكل فينا
وكل واحد في مكان
والدنيا مالها امان
وحيد انا في الدنيا