من الفشل الى قمة النجاح

بقلم : حازم قطب 
أحمد زكى كان هو المرشح للتمثيل مع الفنانه سعاد حسنى فى فيلم الكرنك سنة 75 بدلا من نور الشريف لكن المنتج نجيب رمسيس رفض و قال : ده أسود و شكله وحش !!! .. لآن  سعاد حسنى كانت فنانه كبيرة فى ذلك الوقت .. حزن أحمد زكى وصمت ولم يتكلم عن ذلك الموقف الا  بعد 13 سنة لآول مرة فى برنامج تليفزيونى .. قال إنه زعل فى البداية لكن ده كان أكبر دافع ليه إنه يحقق كل أحلامه و يبقى أعظم فنانين جيله و بعدها المنتجين و المخرجين و أجمل الفنانات كانوا يتمنوا يوقفوا قدامه و عمل 4 أفلام و مسلسل " هو و هى" مع سعاد حسنى اللى قالوا ما ينفعش تحبه فى الآفلام !!
- من هنا عرفنا ان الناجحين و العظماء مش بيكملوا طريقهم شايلين معاهم انجازاتهم و التشجيع و الكلام الحلو اللى بيتقالهم .. لكن بيكملوا بالرفض و الانكسارات و الهزائم الجواهم اللى بتخليهم ما يتراجعوش خطوة لورا
شكرا.. للرفض و الآبواب المغلقة و كلمة متقدرش و مستحيل و ما ينفعش لآنهم وقود أى حرب .