( البرواز ) بقلم أبو رامي الأسواني

بين الضلوع بيسكن قلب
تملي حزين
وكل نبضه بحس فيها
ب ١٠٠ سكين
بحس بغربه وانا عايش
في نفس مكاني وبلقاني
في كل ظروفي بكون وياك
تملي الفرحه مكسوره
وبرواز فاضي مفيش صوره
تجمل حلاوة البرواز
ليالي الصبر عشناها
ودوقت مرارة الأيام
وفي الأحلام
كلامنا كتير
مابين البسمه والضحكه
كتير أوهام
وفي احلام تكون راسيه
بنتمناها تتحقق
وفي حقيقة بنتمناها
تكون احلام
انا الجبل والجبل ساكت
بس جواه بركان
فمتفتكروش
بإن السكوت نسيان
ابو رامى الاسوانى