المطبخ تقدمة صابرين متولى :  مقادير البراونيز   من  مطبخ الشيف حنان محمد

المقادير

125 جرام شيكولاتة خام

125 جرام ذبدة

30 جرام عسل كلوكوز

2 عدد بيض

200 جرام سكر

150 جرام دقيق

كيس فانيليا

1 ملعقة جيلي بارد

الطريقة

في حمام مائي نعمل الآتي وبالترتيب

1 .. نسيح الشيكولاتة لحد ما تسيح تماما

2 .. ننزل عليها بالذبدة مع التقليب لحد ما تختلط بالشيكولاتة وتسيح تماما 

3 .. نضيف عسل الكلوكوز وبردو نقلب حلو قوى مع بعضه

4 .. ننزل بالبيض بيضة بيضة وبسرعة عشان البيض مش يكتل اوك خدوا بالكم وبعد كده الفانيليا والتقليب مهم

5 .. كوب السكر ونقلب لحد ما السكر يدوب بردوا وكل ده واحنا بنقلب

6 .. نضيف الدقيق ونقلب لحد ما يختفي الدقيق ونخلي بالنا عشان مش يكلكع قلبوا بمضرب سلك يدوي

7 .. ملعقة الجيلي البارد وبردو مع التقليب ،، وبعدين كده الخليط جاهز اطفوا النار

8 .. يكون عندنا صينية إللي الحافة بتاعتها مش عالية  مدهونة وعليها ورق ذبدة مدهون بردو ونصب الخليط بارتفاع 1 سم ،، ودرجة الحرارة 200 لمدة 25 دقيقة

يعني من الأول للآخر ها بتعمل علي حمام مائي وبعدين يخبز في الفرن تمام

عند التقديم بولة ايس كريم وصوص شيكولاتة تمام