دم الشهيد يحكي عنه الحديد ... بقلم هبة المنزلاوي

دم الشهيد يحكي عنه الحديد
والحجر يصرخ من بعيد
انت أقوي مني أكيد
عزمك إرادتك دمك وروحك
صمودك ف أرضك وبكل جروحك
ترسم أماني ومجد بلادي
تبني حضاره وتاريخ من تاني
تكتب حكايه وطن غالي
تهديني عمرك تمن لأماني
عايشين بدمك الطاهر
فاكرين بطوله جدع
منحنا الحياه من غير تمن
شهيد الكرامه والحريه
مات عشان يقدملنا هديه
أبدا ما يخضع للأعادي
ولا يقبل بذلي وهواني
ده دمه فرش الأرض حواليا
عشان أعيش وف كرامه
وأكمل من بعده الرساله
رحله كفاح طويلة
كان إيمانه سرها
وعزمه عنوان لها
وبدمه كان نصرنا
عشان يحمي أرض مصرنا